كتنضم كونسو ماروك الدراسات عبر الإنترنت : جروبات الوتساپ واجتماعات الويب والاستبيانات و إستطلاعات الرأي
تسجل معانا ويلا تختاريتي للمشاركة فشي دراسة غادي تقدر تربح منتجات وقسائم شراء و كادووات وفلوس. الدراسات ديالنا فرصة ليك باش تعبر و تشارك فتجارب رائعة
مجال الأبحات و الدراسات كيشكل مركز إهتمام عدد كبير من الشركات و العلامات التجارية. ولكن العلاقة مع المستهلك كتبقى محدودة وبعض المرات متوترة. داك الشي علاش فكرنا فكونسوماروك باش نخلقو علاقة ثقة و شراكة بين المستهلك اللي باغي يستهلك بلا ميتهلك و العلامات التجارية اللي ولات مسؤولة وكتهتم أكثربالرئي والرغبات ديال الزبناء ديالها.
حيت الرأي ديالكم عندو قيمة كنأمنو باللي المستهلك خاصو يعبر على الرأي ديالو ويكون شريك ف اتخاد القرار وتصميم المنتجات و الاتجاهات اللي كتاخذها الشركات. كدلك كناخدو جميع الاحتياطات لحماية المعلومات الشخصية و عدم استعمالها لاهداف تجارية بدون موافقة المشاركين و كنتعاملو بشفافية مع الشركات و المستهلكين.
حنا سوشل إمبولس شركة تواصل رقمي وعلامة تجارية مغربية كتشتغل بشراكة مع شركة تست كونسو الفرنسية. الهدف ديالنا تجاري و كدلك إنساني و إجتماعي و بيئي. إلا كان الهدف الأول كيمكن من تحقيق عيش كريم للناس اللي كيشتغلو معنا الأهداف الاخرى كاتعطينا أمل فمجتمع و سوق أكثر إستجابة لمطالب المستهلك اللي ولا واعي و باغي يشارك ف الحياة الاقتصادية.
Version Française